اختار الخدمة المناسبة من الموقع، واضغط على «اطلب تصميم دلوقتي»، وبعد كده ارفع اللوجو أو اكتب تفاصيل طلبك. بنجهز التصميم ونبعتهولك على واتساب خلال 24 ساعة، وبعد موافقتك بنبدأ التنفيذ.

قيمة العربون هي 40% من إجمالي قيمة الطلب. بنبعتلك التصميم الأول عشان تراجعه وتوافق عليه، وبعد موافقتك بنطلب العربون وقبل بداية التصنيع.

مدة التصنيع والتسليم بتكون عادةً من 4 لـ 6 أيام عمل من تاريخ تأكيد التنفيذ. المدة دي مش بتشمل يوم دفع العربون ولا يومي الجمعة والسبت، وممكن تختلف لبعض المنتجات الخاصة حسب طبيعة الطلب.

بنطلب العربون عشان نضمن جدية الطلب ونقدر نبدأ تجهيز الخامات والتصنيع وتخصيص وقت فريق العمل لتنفيذ طلبك. حصل قبل كده إن بعض الطلبات اتصنعت واتجهزت، وبعدها ما تمش استلامها أو حصل تراجع عن الطلب، وده بيحمّلنا تكاليف وموارد. عشان كده قيمة العربون 40% من إجمالي الطلب، وبيتم طلبه بعد موافقتك على التصميم وقبل بداية التصنيع.

تواصل معانا خلال 48 ساعة من استلام الطلب، وابعت صور أو فيديو واضح للمنتج والمشكلة. لو المشكلة أو التلف من جانب حورس، بنراجع الحالة وبنتفق معاك على الإصلاح أو إعادة التصنيع أو الاستبدال أو رد المبلغ حسب الحالة.

مدة ونطاق الضمان بيختلفوا حسب نوع المنتج، وبيتم توضيح تفاصيل الضمان في صفحة المنتج أو وقت تأكيد الطلب. الضمان بيشمل عيوب التصنيع حسب شروط كل منتج، ومش بيشمل التلف الناتج عن سوء الاستخدام أو التركيب الغلط أو تعديل المنتج.

ينفع تسترد العربون لو طلبت إلغاء الطلب قبل بداية التصنيع. بعد بداية التصنيع مش بيكون من حق العميل استرداد العربون، إلا لو فيه مشكلة أو خطأ من جانب حورس، أو المنتج اتنفذ بشكل مخالف للتصميم أو الاتفاق المتفق عليه.

تقدر تطلب تعديل التصميم لحد 5 مرات قبل اعتماده النهائي. لو محتاج تعديلات زيادة بعد الخمس مرات، ممكن نطلب عربون لتأكيد الجدية واستكمال التعديلات.

أيوه، عندنا خدمة تركيب داخل الإسكندرية والقاهرة والجيزة. تكلفة التركيب بتكون منفصلة عن سعر المنتج، وبيتم الاتفاق عليها قبل تأكيد التنفيذ.

حورس ورشة تصنيع حسب الطلب. كل قطعة بتتعمل بالمقاس والخامة واللون والبيانات اللي تناسب طلبك، ومنتجاتنا بتشمل الأكريليك واليفط والاستاندات وهدايا الليزر والديكورات.